|
|
Втората сезона на СподелиКино започнува. Во вторник, на
25 септември, во 20 ч. во Точка повелете на проекција на Star
Wreck: In the Pirkinning.
Од ен.Википедија:
Star Wreck: In the Pirkinning е игран филм од 2005-тата година
произведен од пет другари во двособен стан со мал буџет и поддршка од
неколку стотици фанови и неколку дузини познаници. Star Wreck: In the
Pirkinning е седми по ред филм од серијалот Star Wreck, но првиот со
професионален квалитет и целовечерно траење. Тој е мрачна научно
фантастична комедија за доминацијата на светот и универзумот и
пародија на универзумите на Star Trek и Babylon 5.
Иако филмот во основа е филм на фанови (fan film), многу критичари
позитивно го споредија со типични професионално произведени научно
фантастични филмови, меѓу другото заради квалитетот на специјалните
ефекти и целосната продукција. Филмот може легално да се симне од
Интернет под Creative Commons Attribution-NoDerivs-NonCommercial
лиценца.
Ние веќе го симнавме и доколку сакате во вторник можете да си донесете
USB стапче да го ископирате. |
