|
|
Во сабота со почеток во 19.30 во
Културниот центар „Точка“ ќе се одржи антинационалистичка трибина,
која е дел од пошироката кампања на македонско-грчки дијалози, со
гостување на претставникот на грчката Социјалистичка работничка
партија, Јанис Сифакакис.
Целта на трибината е, во услови на пораст на национализмот и на
националистичките стереотипи за другата страна, да се направи обид да
се делува против ваквите трендови. Преку демистификација на
патриотизмот/национализмот како таков и преку можноста посетителите со
свои очи да се убедат дека сликата за другата страна ја формираат и
премногу врз основа на пропагандата на сопствената страна.
На трибината ќе биде промовирана и книгата што Социјалистичката
работничка партија ја објави во 1993 година, во која го брани правото
на нашата држава да се нарекува Република Македонија и за која петмина
лидери на Партијата беа притворени и изведени пред суд. Со тоа сакаме
и да ја извадиме оваа книга од речиси целосната анонимност која кај
нас владее во поглед на оваа книга. |
